6.விவாகரத்தான பிறகு பிறக்கும் ஆண் குழந்தை முதல் 7 ஆண்டுகள் தாயிடம் இருக்க வேண்டும். பெண் குழந்தை அவர்களின் திருமணம் வரை தாயுடன் இருக் கலாம். இந்தக் காலம் முழுவதும் தந்தைதான் அவர்களின் செலவுகளுக்குப் பொறுப்பு.

7. இரண்டு தரப்பும் ஒத்துழைக்கும் பட்சத்தில் இத்தா காலத்தில் சமரசம் ஏற்பட வாய்ப்பு உண்டு.

 

உலகம் முழுவதும் பலதார மணத்தை ஆட்சேபிக்கும் பலர். ஆண்கள் பல பெண்களுடன் பாலியல் தொடர்பு வைத்துக் கொள் வதை ஆட்சேபிப்பதில்லை. சட்டப்பூர்வமான எவ்வித நடவடிக்கைகளுக்கும் உட்படுவ தில்லை. ஆனால் சட்டப்படியான இரண்டாவது திருமணத்திற்குப் பல நாடுகளில் தடை உள்ளது. இது ஒரு விந்தையான நிலைப்பாடு. பலதார மணம் பெண்களுக்குச் சட்டப்பூர்வ அந்தஸ்தையும் சமூக அந்தஸ்தையும் தருகின்றது.

 

மனைவியின் உடல்நிலை குறைபாடு, குழந்தையின் ஆண் / பெண் பிறப்பு விகிதத்தில் பெண்களின் எண்ணிக்கை மேலோங்கி இருக்கும் நாடுகளில் பெண்களின் திருமண வாழ்க்கையை உறுதி செய்ய ஒன்றுக்கும் மேற்பட்ட திருமணங்கள் புரிய ஆண்களுக்கு அனுமதி வழங்கப்பட்டுள்ளது. ஏன் பெண்களுக்குப் பல கணவர்கள் இருக்கக் கூடாதா? என்ற கேள்வி எழலாம். ஆனால் பெண்களுக்குப் பல கணவர்கள் இருந்தால் யாருடைய குழந்தை என்பதில் குழப்பம் வரலாம். இதனால் குழந்தைகளின் மன நலம் பாதிக்கப்படும். ஆண்களும் பெண்களும் பலருடன் பாலியல் தொடர்பு கொண்டால் சமூகத்தில் பெரும் பிரச்சினைகள் உருவெடுக்கும். இஸ்லாம் ஒருதார மணத்தை விரும்புகின்றது. பலதார மணம் சூழ்நிலை களைப் பொறுத்து வழங்கப்பட்ட அனுமதி மட்டுமே ஆகும். இந்திய முஸ்லிம்களில் பலதார மணம் மிகவும் சொற்ப எண்ணிக்கையில் உள்ளது.

 

திருமணத்தின் போது மணமகன் தரப்பிலிருந்து மணப்பெண்ணுக்குக் கொடுக்கப் படும் தொகை அல்லது பொருள்கள் மஹர் எனப்படும். விவாகரத்தின் போது கணவன் தன்னுடைய மனைவிக்கு அதிகமான தொகையை கொடுத்துப் பிரிந்து செல்ல இஸ்லாம் எடுத்துரைக்கின்றது.