இரக்கம் என்பது நெஞ்சில் சுரக்கும்
இரமளான் மாதத்திலே அதை
எடுத்துச் சொல்லி இணங்க வைக்குது
இசுலாம் மார்க்கத்திலே
பாங்குடன் தொழுதே பாவம் கழுவ
பயிற்சி உனக்கல்லவா என்றும்
மார்க்கம் மறந்து, மனம் கெட்டுப் போவது
உனக்கே இழுக்கல்லவா?
கவனம் என்பது சிதறா நோன்பு
சுவனத்தின் வழி செல்லும் வேண்டா
ஹராம் தவிர்த்து விலகிப் போவது
அறம் செய்ய வகை சொல்லும்
இருப்பதைக் கொடுத்து ஏழை பசிக்கு
இரங்குதல் இறையச்சமே இதற்கு
நன்மைகள் அதிகம் நலமுடன் திகழ
நபி(ஸல்) போதனையும் வழிகாட்டுமே!
தவறை உணர மன்னிப்புத் தருவான்
தனியோன் அருளாளன் உள்ளம்
தூய்மை அடைய பாவம் தொலைய
வாய்ப்புகள் ஏராளம்
இசுலாத்தின் ஐந்து கடமைகளில்
இரமளான் இருக்கிறது அந்த
தாகந் தணிக்கும் ஜம் ஜம் ஊற்றென
ஈகை சுரக்கிறது.
.jpg)
.png)
